本頁唔係一個專業投資者，但絕對係一個投資愛好者。本身從事 IT 相關工作，對電腦程式有一番心得。最擅長用電腦程式尋找異動股票，再對其股票作出分析。
本頁一開始只係想將自己買賣股票既記錄放係Facebook，點都無諗過寫下寫下已經有萬多人追蹤，可謂無心插柳柳成蔭。
人到中年，見識到金錢既力量。
有人話講錢好膚淺，我會覺得講個個人入世未深。你遇過親人生病嗎? 一組放射性治療係私家醫院知唔知幾錢? 去公立醫院就得? 又一句無腦兼且未有人生經驗既答覆。解釋俾人聽都嫌晒口水。
金錢除左可以買到你想買既野，亦到可以將你講既說話合理化。即係咁講，無論你幾有道理都好，只要你無錢，基本上無人會信你講野。反之，如果你好有錢，你話食屎好好味啲人都話你岩。
一路心明嚟個道理。直至有一日睇到大劉個訪問，先至發覺我同佢既諗法非常相似。係佢屋企到有嚟對對聯:
公道不在人心，是非只在時勢
劉鑾雄對此既解釋係世上根本無咩公道唔公道，你強勢，你就岩，人地都會話你岩，你弱勢，唔理你咩情況，都係你唔岩。
所以各位朋友，努力搵錢啦。