除左有AMC/GME有可能被迫空之外，有三隻美股有相當高嘅SI (Short Interest) 有可能會上演迫空大戲。本頁雖然係AMC既持有者同埋支持者，但係同一時間都會睇其他唔同有可能迫空嘅股票。如果畀老外知道我咁做，可能會好鄙視我 (因為Die Hard AMC Fans 唔應該再留意其他嘅股)。
Anyway，大家可留意呢三隻股票。
1）BYND – Beyond Meat
嚟一間公司既主業就係賣人造肉。唔知大家買過嚟試食未呢？話時話，味道同口感真係好似肉！
嚟間公司嘅投資者可為星光熠熠，有Jeff Bezos，Bill Gates，Al Gore 等等。股價最高去到$230美金，平均大約都有$150。最近股票已經跌到$43，連支持位$60都破埋，認真陰公。
股價點解會咁？講到尾就係間公司賺唔到錢。係2021年既盈利表現絕對係令好多投資者失望。沽空機構有見及此，佢哋大力沽空。最新既數據顯示SI已經達到34.4%。由年頭嚟計，差唔多已經跌左33%。
咁嚟間公司會唔會執笠呢？我睇都幾難。有咁多個大佬投資者喺入邊，要佢執笠仲難過你中六合彩。再者，我深信人造肉係未來嘅主要食量。全球人口數量不斷增長，動物食品未來只會供不應求。再者，動物食品會大量破壞環境如二氧化碳產生。動物福利同埋人道主義嘅興起，絕對會令到植物肉/人造肉產生大量需求。
講咁耐，即係幾時買啫？咁就梗係唔係依家買啦。而家隻股既股價仲喺下降軌之中。如果你嘅買賣股票Apps有得set alarm，暫時set 住$60提醒你。到時升到60蚊再同大家討論下。
敬請留意下一篇文，會講埋其餘兩隻嘅迫空股票。